| شکرریزد زنوک خامه من بیا بشنو نصیحتنامه من | |||
 |
یالوارما
جهاندا بوسه دن اوتـــــــــــــری نـگاره یالوارما خزان مشـــقتینی چـــک بهاره یالوارما
دوشنده یادیوه آغ سینه لرده شوخ ممه لر بــــــازاردا حســرتیله بـاخ انــاره یالوارما
بلوندن آچ شـــــالوی بویـــــــــنوا دولا گیجه لر شبیه ایـــله اونی گیسوی یاره یالوارما
میسر اولــماسا مـــــــــحبوب چــــارده ساله بیر اللی سینده سین آل کناره یالوارما
اودا تاپولماسا خلقین قوی آلتنا صــــــــفرین قبــول ایله داداشیم ناری عاره یالوارما
آچاندا موسیقینی خلق سنده آغـزیوی آچ ولـــیک باشـــوی ساللا تغاره یالوارما
سایاللا پول گیجه لر سنده یات دام اوستونده گویون ستاره لرین قیل شماره یالوارما
توکلسه اوستیوه ایتلر چاغور ما بیر نفری قوی ایلسونه سنــی پاره پاره یالوارما
کباب ایستسه گوگلون دل آچما شورباچیا کناردن گامشــــــــــا ایت نظاره یالوارما
ایشه اوز اوجوا ایچ بیل شراب ایچیسن اماندی ساقی بی ننگ وعاره یالوارما
سو واجب اولسا اگر اولماسا حمامه پولون پــــــــناه آپار گلا بـــیر جویباره یالوارما
زمانه ایمدیه تـــــک ایتمیوب وفا بـــــــیرینه تملق ایلــــمه بــــو نابکـــــاره یالوارما
گورنده دولــــزلی خانـــملار گزور خیاباندا گوزیوی یوم یوزیوی دوت کناره یالوارما
باشوندا اولماسا بورکون اوزاتگلان باشووی که ایمدی مد بله دی یوخدی چاره یالوارما
فلک نقدری سنی اینجدور قوی اینجیدسون شکایته دل آچـــــــــــوب روزگاره یالوارما
فقط کریمیه یالوار که قویماســون هجوه اونادا رمـــــــــــزیله دی آشـــکاره یالوارما
نقدری رد اولاسان درسده یا صفر آلاسان اوتانــــــما آغــــلاما آمـــوزگـاره یــالـوارما
پولون خــــــــــــیالینی دنـــیانین آروزلرینی آپـــار یانـــونــجا ذخــــــیره مزاره یالوارما
|
8221:کل بازدید |
|
|
0:بازدید امروز |
|
|
1:بازدید دیروز |
|
|
درباره خودم
| |
| |
|
حضور و غیاب
| |
|
لوگوی خودم
| |
|
| |
بایگانی | |
|
پاییز 1385 | |
اشتراک | |
